بەرهەڤی ژبۆ دامەزراندنا مەلبەندێ(13) ل زاحو هاتە كرن ل دەسبێكا هەیڤا كانینا
دووێ ژ سالا2007 ێ وپشتی هەلبژارتن هاتینە ئەنجامدان رێزدادر (نصرالدین سعید
سندی )هاتە بەربژێركرن وەك بەرپرسی مەلبەندی و ل روژا 6-2-2007 دئاهەنگەكا
قەشەنگدا وبئامادەبینا سەیدا سعید علی ئەندامێ مەكتەبا سیاسیا یەگكرتووی
ئیسلامیی كوردستان و لایەنێن سیاسی وژمارەیەكا باش ژرهسپی وماقویلێن دەڤەرێ
زێدەباری حازربینا چەندین ئەندام و لایەنگرین یەگكرتوو ل زاخو ئەڤ مەلبەندە
هاتە بفەرمی هاتە ڤەكرن.
ڕاگەهاندنا مەلبەندی 13 ل زاخو یا هەڤدەمبی ل گەل روژا راگەهاندنا یەگكرتووی
ئیسلامیی كوردستان وسێزدەهەمین سالڤەگەرا یەگكرتووی ئیسلامی كوردستان.
ویا گرنگە ل ڤێری چەندەكێ بەحسێ قویناغا پێش دامەزڕاندنا مەلبەندی بئێتەگرن
وتیشكەكا ڕوناهیێ بەردین لسەر بزاڤێن لقا زاخو یا یەگكرتوو ئیسلامیی كوردستان
، كو ل سالا 1994 پشتی راگەهاندنا یەكگرتوو ل6-2-19994 بدەمەكێ كورت، لقا زاخو
هاتە پێش، ودهەلبژارتنكا دیموكراسیانەدا ماموستا (محمد حسن ) بوویە ئێكەمین بەپرسێ
لقێ .
وهەژی گوتنێ یە هەر دسالا 1994دا پیلانەكا خراب دژی یەكگرتوو ل زاخو هاتە ئاشكەراكرن
ئەوژی هەولێن چاندنا هندەك هزرێن بەرۆڤاژی بنەما وپرەنسیپێن یەكگرتوو بی دناڤ
رێكخستنێن ڤێ لقێدا وبیە ئەگەرێ پەیدابینا هزرەكا توندڕەو ودویر ژپەیڕەویێ
ناڤنجیخوازێ یەكگرتوو ، وپشتی گەلەك دان و ستاندنا لگەل وان كەسێن خوە كرینە
خودان ل توندڕەوی وهشكباوەریێ ودەست ژی بەرنەداین ؛ سەركردایەتیا لقا زاخو
دپێنگاڤەكا وێریانەدا شیا رێزێت خوە پاقژ بكت ژوان كەسێن بەحس ژێ هاتیە كرن،
وهەرچەندە كارەكێ بزەحمەت وقورس ژی بی ، بەلی گەلەك جاران ژبێ چارەیی قوربانیێ
بپارچەیەكێ ژلەشێ خوە ددت وكوری ساخلەمیا ئەندامێن دی دكت!
لەوا هەر ل پێشاهیا سالا 1995 جارەكا دی هەلبژارتن هاتنەكرن وبەرپرسیا و ئەندازیار
:ئوسمان محمد صالح هاتە ژێگرتن وەك بەرپرسێ لقێ، وپشتی چەند بزاڤەكێن باش یێن
هزركی ورەوەشنەبیری لقا زاخو شیا جارەكادی گەلە ك هەڤالێت خوە بزفرینن ڤە.
ول1-4-1995 بارەگای لقا زاخو ب فەرمی هاتە ڤەكرن ل تاخێ نەوروز ب حازربینا هەریمداری
زاخو و لایەنین سیاسی وزانایین ئایینی جەند كەساتیین دەڤەرا زاخو ب ڤێ مەرەمێ
جەند پەیڤەك هاتنە پیٍَِشكێشكرن.
بەلێ پشتی بورینا پتر ژسالەكێ ژڤەكرنا بارەگایێ لقا زاخو و پیخەمەت خوئامادەكرنێ
بوكونگرێ گشتی یێ دوویێَ یەگكرتوو هەلبژارتن هاتنە كرن ول روژا 27-5-1996 و
بسەرپەرشتیا شاندەكێ مەكتەبا سیاسی ب سەروكاتیا ماموستا هادی علی كابینەكا نوی
بو لقێ هاتە ژێگرتن وبەرێز نصرالدین سعید هاتە هەلبژارتن بو بەرپرسیاتیا لقێ
و بریار وەسابی كو كابینا لقێ وەكی خۆ دێ مینت تاكو كونگرە ب دوماهی بێت.
بەلێ رویدانەكا سیاسیا مەزن ل كوردستانی پەیدابوو ئەوژی ئەوژی رویدانا كەلەكین
و وكوشتنا حسین ئاغا سویرجی بی لیژنا تەنسێقی كوبیكهاتبی ژ8پارتێن كوردستانی بەیاننامەیەك
دەرێخست وئیدانا ڤی رویدانێ كر وئەڤ هەلویستە بی ئەگەری گڤاشتن وفشارێ لسەر
هەمی لایەنێن ئەو بەیاننامە ئیمزاكرین.
وهندەك ژوان پارتان هەر زوی فشارێ كارتێكرن ل بریارا وان یا سیاسی كر و بەیانەك
دەرێخستن وپێشەمانیاخوە دەربرین ژوی هەلویستی،وبتنێ یەكگرتوو ما بەردەوام لسەر
هەلویستێ خۆ لەوا فشارەكا دژوار كەفتە سەر وێ بتایبەت ل دەڤەرا بەهدینان دائەوژی
وەكی لایەنێن دیتر بەیاننامەكا پەشێمانیێ دەربئێخت بەلی مەلبەندی سێ یێ یەگكرتووی
ئیسلامیی كوردستان ئامادە نەبی وی وی كاری بكتن لەوا شەرەكێ راگەهاندنێ یێ
توند دژی یەكگرتوو دەسپێكر ل دوماهیكا هەیڤا شەش ل سالا 1996ی،و پشتی ماوێ
20روژان هەوێن دەستەسەركرن وزیندانكرنا ئەندامێن یەكگرتوو دەستپێكر وژمارەیەكا
زۆر ژوان هاتنە گرتن وبدژواری هاتنە ئەشكەنجدان و ب زوری سوز ژگەلەكا هاتە وەرگرتن
كو خۆ ژرێزێن یەكگرتوێ ڤەكێشن وهوسان گرتن ولێدان وزۆری بەردەوامبی هەتا
گەهشتە وێ چەندێ -ل دویماهیا هەیڤا- حەفت هەركەسی دچوویە بارەگایی یەگكرتوو
ودەركەفتبا ئێكسەر دهاتە گرتن.
ول 3-8-1996 بارەگایێ یەكگرتوو هاتە داگیركرن و پشتی جەند رۆژەكێن كێم هاتە
دائێخستن و كارێ سیاسی بئاشكەرایێ ل یەگكرتوو ئیسلامیی كوردستان ل زاخو هاتە
قەدەغەكرن
بەلێ كادر وئەندامێن یەكگرتوو وەكی مافەكێ رەوا یێ شەرعی ویاسایی بەردەوام
مان لسەر بزاڤێن خۆ بەلێ بشێوەیەكێ نهێنی.
بەلێ هەر ژسالا 1996 هەتا 2004هەمی هەوڵ هاتنە كرن یەگكرتوو ل باژیری زاخو نەمینت
بگرتن و ئەشكەنجەدان و ڤەكوهاستن ودەریخستن وجەندین (هەوێن ئەمنی) ل هەمبەر
كادرین یەگكرتوو هاتنە ئەنجامدان و یا ژهەمیا دژوارتر وبەرفرهترئەوبی یا ل 2002
هاتیەكرن ،بەلێ پەرووەردا خوراگریێ ل ئەندامێن یەگكرتوو ژوان هەوان بهێزتر بی
، بەلكێ بیە فاكتەرەكێ باش بۆ بدەستڤەئینانا عاتیفا جەماوەری
ل17-3-2004 بزاڤ هاتە كرن بارەگایێ لقا زاخو بیتە ڤەكرن بەلێ هێزێت ئەمنی
بەرپرسێ لقێ وچەند ئەندامێن دی گرتن ل 16-3-2004 تا 27-3-2004 وهەمی تووشی
لێدان ونەخۆشیێ بین.
وهوسا رەوشا كاری سیاسیێ یەكگرتوو بڤی ئاوایێ ما هەتا روژا4-4-2004 بارەگایێ
لقێ بفەرمی هاتیە ڤەكرن ب حازربینا شاندەكێ بلندێ مەكتەبا سیاسی و سەركردایەتیا
یەگكرتوو و لایەنین سیاسی وژمارەیەكا باش یا رهسبی و ماقویل وكادرو ئەندام و
لایەنگرێن یەگكرتوو ل دەڤەرا زاخو.
بەلێ مخابن ل روژا سێشەمبێ 6-12-2005 بارەگایێ لقا زاخو وەكی هەمی بارەگایێن
دیێن رێكخستنی ودیسان یێن پیشەیی ورەوەشەنبیری ورۆژنامەڤانێن سەر بەیەكگرتووڤە
ل بادینان كەتە بەر هێرشێن چەكداری و بینە ئەگەرێ تیرۆركرنا دوو ژئەندامێن
لقێ ئەوژی هێژا:(مەلا شەفیق كێستەی و عبدالرحمان هروری) بوون ، پشتی نڤێژا ئێڤارێ
هەردووان گیانێ خۆ گۆری پەیاما خۆدێ وراستیێ كرن وگەهشتنە كاروانێ شەهیدێن
ئازادیێ وبەرپرسێ لقێ وجەند ئەندامێن دی هاتنە برینداركرن وپاشێ ب وان
بریناڤە هاتنە دەستەسەركرن وگرتن وبارەگا هاتە سوتن .
وپشتی دەه روژ ژ كارەساتا 6-12-2005 ئەندامێن یەگكرتوو بریار دان جارەكادی
بارەگایێ خۆ ژدویكێلا رەش وخۆلیا كەرب وكینێ پاقژ بكن ودیسان وەكێ بەری
سووتنێ بكنە سەنتەرێ ئیمانداری وڤیانا خۆدێ ومرۆڤایەتی وخەباتا راستەقینە بۆ
خزمەتا كورد وكوردستانێ.
وئەڤ خوراگری و بەردەوامبوونا ل سەر رێبازا یەگكرتووی ئیسلامیی كوردستان ؛ بیە
پاڵدەرەك مەكتەبا سیاسی بریارێ بدتن لقا زاخو بكنە مەلبەندێ (13)یێ یەكگرتوو.
