ب ناڤێ خودایێ مەزن و دلوڤان
رادیووا خابیر ل دەستپێكا سالا ( 2005 ز ) پەخشێ خو یێ ئەزموونی ( test ) ب
هاریكاریا خودێ و پشتەڤانیا چەندین ڕۆژانامەڤانان و ب هەڤكاری د گەل چەندین مامۆستا
و كەسێن تایبەتمەند و بسپور د كارێ راگەهاندنێدا دەستپێكر , و پشتی ماوەیەكێ كورت
ل ڕۆژا ( 19 / 2 / 2005 ) ب رەنگەكی فەرمی بەرنامێن رادیووێ هاتنە پێشكێشكرن .
خابیر ئێزگەیەكی نافخوییە و پەخش دبت ل سەر پێلا ( 90:01 fm ) , ل باژێرێ زاخۆ
بەلاڤ دبت و دەنگێ وێ یێ زەلال دگەهیتە هەمی دەڤەرێن دەورو بەر - هەمی شارۆچكە و
گوندێن سەر ب قەزا زاخـۆ ڤە - , و هەر وەسا د گەهیتە چەند گوندەكێن دەشتا سلێڤانەیا
, و گوندێن دەڤەرا لێفێ و دەڤەرا دوسكییا هەتا گوندێ ئێكمالێ و ناحیا مانگێژكێ
و د گەهیتە دەڤەرا سەرسنگی ژی , دیسان باژێرێ سلوپیا ژی و چەند گوندەكێن ل سەر
توخیبێن كوردستانا توركی ژی پەخشێ رادیووا مە لێ بەلاڤ دبت .
كارگێریا رادیووا خابیر شیا ب هەلكەفتا بورینا چار سالان ل رۆژا ( 19 / 2 / 2009 )
دەنگێ خوە بۆ هەمی ئالیێن جیهانێ پەخش بكت ل سەر سایتێ www.xabir.net .
ل دەستپێكێ پەخشێ رادیووێ حەفت دمژمێران ڤەدكێشا ماوێ سپێدێ ل دەمژمێر ( 8,00
تا 12,00 ) نیڤرو , و پشتی نیڤرو ژ دەمژمێر (2,00 تا 5,00) مەغرەب ب دووماهی د هات
, بەلێ پشتی بۆرینا شەش هەیڤان ژ ژیێ دامەزراندنێ , دەمێ پەخشبوونێ بەرفرەهتر
لێ هات , ل جهێ راوەستیانا نیڤرۆ پەخشێ عەرەبی هاتە زێدەكرن .
و ب بورینا نێزیك سالەكێ دەمێ پەخشا رادیووێ هیشتا هاتە زێدەكرن ژ دمژمێر (7,30
) سپێدێ تا دەمژمێر (10,00 ) شەڤ و هەتا ئەڤرو ب وی ئاوایی بەردەوامە .
بەرنامیێن دەستپێكێ یێن ل رادیووا مە هاتینە پێشكێشكرن ب ڤی رەنگی بوون :
- بەرنامەیەكێ وەعزی یێ ڕۆژانە ب ناڤێ : ( دیوانا مزگەفتێ ) .
- بەرنامەیەكێ ڤەكری و هەمەرەنگێ ڕۆژانە ب ناڤێ : ( مێرگا گوهدارا ) .
- و ل هەمی ڕۆژان ل ما وێ سپێدێ بەرنامەیەك و ل ما وێ ئیڤاری بەرنامەیەكی
حەفتیانە د هاتە پێشكێشكرن د بییاڤیێن جودا جودا دا , وەك : { بەرنامێ روناهی (یێ
فەتوایێ) , وبەرنامێ ژیانناما پێغەمبەری سلاڤ لێ بن , و بەرنامێ چرا یێ تایبەت
ب ئافرەتان ڤە , و بەرنامێ تەجویدا قورئانا پیروز , و بەرنامێ گیانێ ساخلەم , و
بەرنامێ پشكوژ یێ زاروكان, و بەرنامێ رەوشەنبیریا ئەدەبی, ....هتد}.
رادیووا خابیر بەردەوام بزاڤ كرینە جهێ حەزا خەلكێ بت و ب خو ب ئەركەكێ پیروز
دانایە رولێ پێگەهاندن و پەروەردەكرنێ , ژ بەر وێ چەندێ ئەوا د ناڤەروكا بەرنامێن
وێدا دئێتە پێشكێشكرن پتریا تەخێن ژیانێ ب خوڤە دگریت بۆ نموونە :
بەرنامێ عەقیدێ (باوەری و ژیان) , و بەرنامێ تەفسیرێ (ل ژێر سیبەرا قورئانێ) ,
و بەرنامێ تەجویدێ (فێرگەها قورئانێ) , و بەرنامێ فەتوایێ ( رونـــــاهی ) , و
بەرنامێ تەندورستی (گیانێ ساخلەم) , و بەرنامێ جوغرافی ( گەشتەك ل جیهانێ) , و
بەرنامێ ئەدەبێ كوردی ( ئەیوان ) , و بەرنامێ گەشەپێدانا مروڤی ( ئــارمـــانج )
, و بەرنامێ ژنان ( پـــــەژان) و ( حوری ) , و بەرنامێ قوتابیان (گەشەپێدان) , و
بەرنامێ ئارێشێن خێزانان ( هیڤی ) , و بارنامێ وەعزی یێ رۆژانە ( دیوانا
مزگەفتێ ) , وبەرنامێ بەریكانەیا گشتی ( هزرین ) , و بەرنامێ زانستی ( ئیعجازا
علمی ) , و بەرنامێ ژیانناما صەحابیان ( ژیانناما خەلیفان ) و (خوشتڤیێت پێغەمبەری
) , و بەرنامێ رێكێن پەروەردەكرنا زاروكان ( بیناهی ) , و بەرنامێ داخوازكرنا
سترانا ( ساز و ئاواز ) , و بەرنامێ فلكوری ( خەتیر ) , و بەرنامێ زاروكان
(باغچە) و بەرنامێ (رۆژنامەگەری) , و بەرنامێ مێهڤانكرنا سترانبێژان ( لۆرین ) ,
و بەرنامێن گوفتۆگو ( پەیڤین ) و ( رێزان ) , و زێدەباری چەندین بەرنامێن دی یێن
پەروەردەیی وەك : ( دلزار ) و ( خوشترین ژیان ) و ( شادی ) و ( دا بەرزەنەبی ) و بەرنامێ
( پەیام ) تێدا ریپوتاجەك ژ بازارێ زاخۆ د ئێتە ڤەگوهاستن , و هەر وەسا حەفتیانە (
پارچە تەمسیلییەك) ژ لایێ تیپا خابیر یا هونەری ڤە د ئێتە بەرهەڤكرن و پێشكێشكرن}
, و بەرنامێن عەرەبی ژی لایەنێت جورا و جور د چەند بیاڤاندا بخوڤە د گریتن وەك : بەرنامێ
هەمەرەنگ (من كل بستان زهرە) , و بەرنامێ چڤاكی (المجتمع السعید) , و بەرنامێ
مێژویا زانایان (المبدعون) , و چەندین بەرنامێن پەروەردەیی وەك : (من هدی النبوە) و
(محاچرات النابلسی) و (ریاچ السنە) .
و نوكە پتر ژ ( 35 ) بەرنامەیێن جودا جودا د ئێنە پێشكێشكرن چ یێن ڕۆژانە یان ژی
حەفتیانە , ونێزیك ( 20 ) فەرمانبەران لێ كار دكن و ژ مارەكا باش ژ ماموستایێن رێزدار
ژ خویشك و برا بەرنامێن حەفتیانە پێشكێش دكن , و دەنگ و باس دو جاران ب كورتی و دو
جاران ب درێژاهی د ئێنە بەلاڤكرن .
رێڤەبەرێ ئێكێ یێ رادیووێ ژ رۆژا دامەزراندنێ و تا رۆژا 13 / 9 / 2007 مامۆستایێ
هێژا (عبدی محمود زاخوی ) بۆ و هەژییە بێژین مامۆستایێ ناڤبری ئێك ژ دامەزرێنەران
بۆ دەستەكی باش و خزمەتەكا بەرچاڤ د پێشئێخستنا رادیووێدا هەبۆ , و نوكە رێڤەبەر (
سعد محمد ) ـە .
رادیووا خابیر ب نەخشەیەكی باش كارگێرییا خو یێ ب رێڤە د بت , كارگێری ژ چەند
بەشەكان پێك دئێت و ب ڤی رەنگی ل خوارێ :
- بەشێ دەنگ وباسان : پێك د ئێت ژ بەرپرسێ بەشی كاك ( حەسەن ) و چەند
سەرنڤیسەرەكێن دەنگ و باسان .
- بەشێ رێڤەبەریا بەرنامەیان : بەرپرسێ بەشی كاك ( فەرهادە ) و چەند كارمەندێن دی
یێن رادیووێ .
- بەشێ ئەرشیفی و مونتێران : بەرپرسێ بەشی كاك ( حەكیمە ) و هەمی مونتێرێن رادیووێ
.
- بەشێ رێــكلاما : كاك ( عەبدولواحد ) ژێ بەرپرسە .
- بەشێ عەرەبی : ( رێڤەبەر ) سەرپەرشتیا وێ دكت .
- بەشێ زاروكان : كاك ( ئەحمەد نورەدین ) پی بەر پرسە , و كاك ( هێرش ) جاڤدێریێ
لێ دكت .
- و هەر وەسا كاك ( ئیسلام كەشانی ) بەرپرسە ژ دەست نیشانكرن و بەرهەڤكرنا دیاریان
.
- و كاك ( حمید سلێڤانەی ) بەرپرسە ژ تشتێن بەرزەبووی .
- و كاك ( عەبدوللا ئهرمشتی
) بەرپرسە ژ سایتێ رادیووێ .
لجنەیا دانانا بەرنامەیان ل رادیووێ رەنج و زەحمەتەكا بەردەوام ژ ڕۆژێن دەستپێكێ
و تا ئەڤرو هەلگرتینە بۆ هندێ دا بشێن بەرنامەیێن ژ هەژی بۆ هەمی تەخێن چڤاكی
پێشكێش بكن , و ئارەز و ئارێشێن جڤاكی ب رێكین زانستی ئەگەر و چارەسەریا بۆ دەستنیشان
بكن د ل دویڤ دیتنا بسپور و شارەزایان .
ژ دوریشمێن رادیووا خابیر : ( باشترین بەرنامە و خوشترین دەم , پەروەردە و رەوشەنبیركرن
, پێگەهاندن و فێركرن ) .
كارگێریا رادیووێ بییایەڤەكێ مەزن بۆ ژنێ تەرخانكرییە , ژ بەر وێ چەندێ خویشكێن
بەرێز رولەكی كارا د پێشئێخستنا بەرنامێن رادیووا مەدا دیتینە .
بەشێ دەنگ و باسان ل رادیووا خابیر بەردەوام هەول بزاڤ كرینە د دارێشتنا دەنگ
وباساندا خزمەتا گوهداری بكن پتر نێزیكی راستیێ بن , و ب گورەی بنەما و پرەنسیپێن
رۆژنامەنڤانییێ كار بكن , و رێزگرتنێ ل هەمی تەخ و جوینێن جڤاكی دگرن , و پویتە
پێدان ب هەمی رویدانێن گرنك یێن ناڤخویی و هەرێمداری و نیڤدەولەتی , و بەرهەڤكرن و
پێشكێشكرنا راپورت و بەیاننامە یێن سیاسی , و پێشئێختنا یێ گرنتر , و ب شێوەكی ب
لەز ب گەهینن گوهدارێن خو .
پتریا فەرمانبەرێن رادیوامە ئەندامن د سەندیكا رۆژنامەنڤیسین كوردستانێدا لقا دهوك
, و رولەكی كارا د سەندیكایێدا هەنە .
كارمەندێن رادیووامە بەشداری د چەندین خولێن راگەهاندنێدا كرینە ئەوێن ژ لایێ رێكخراوێن
بیانی ڤە دئێنە ڤەكرن , و هەروەسا جەندین خولێن تایبەت كارگێریا رادیووێ بۆ
پێشكەرێن بەرناما ڤەكرینە .
ل دووماهیی ئەم ل كارگێریا رادیووا خابیر سوزێ ددەن بەردەوام بین د خزمەتكرنا
گوهدارێن خودا ب گەهاندنا پەیاما راگەهاندنا ئیسلامیا ناڤنجیخواز .
كارگێریا رادیووا
خابیر